Ka deklaruar shumë herë se është në pritje të njeriut që do t’i ndryshoj jetën. Dhe data 12 e këtij dhjetori duket se mund t’i sjell atë njeri.
Bëhet fjalë për bukuroshen pejane Agnesa Vuthaj e cila tashmë datën 12.12.2012 mund ta vlerësoj si një datë mjaft të rëndësishme, edhe pse deri tani deklaroi se nuk e kishte shumë në qejf.
“Unë që nuk e vlerësova si datë të veçantë “12.12.12”, sot në ora 12.12 mora një propozim për martesë! E befasuar!”, kështu ka shkruar Agnesa në Facebook, ndërsa nuk ka bërë publike më shumë detaje. Duket që bukuroshja pejane është befasuar për të mirë./Portalb