Rezultatet e 24 orëve të fundit në lidhje me virusin korona në Itali

Italia ka regjistruar sot një rritje në numrin e viktimave dhe të rasteve pozitive me Covid 19 gjatë 24 orëve të fundit, transmeton OraNews.

Dita e sotme ka shënuar 117 viktima e 584 raste më shumë se një ditë më parë.

Numri i përgjithshëm i viktimave ka arritur në 33,072 ndërsa personat e infektuar deri më sot janë 231,139.

Pacientë aktivë pozitivë me koronavirus janë reduktuar në 50,966.

7,729 prej tyre po kurohen në strukturat spitalore, 505 në repartet e terapisë intesive e 42,752 në kushte izolimi shtëpiak.

Numri i personave të shëruar nga koronavirus ka rritur në 147,101 e janë 2,453 të shëruar më shumë gjatë 24 orëve të fundit.

Në rajonin e Lombardisë janë regjistruar sot 58 viktima më shumë duke e çuar numrin e tyre total në 15,954 e janë 384 raste pozitive më shumë se një ditë më parë.

Numri i përgjithshëm i personave të infektuar nga koronavirus në rajonin e Lombardisë është 87, 801.

Në Itali deri më sot janë kryer 3,607,251 teste. Rajonet Marche, Bolzano, Umbria, Valle D’Aosta, Basilicata nuk kanë regjsitruar asnjë rast pozitiv me Covid 19 gjatë 24 orëve të fundit.