Qyteti i Shkupit informoi se të hënën do të fillon dezinsektimi i hapësirave të qytetit me ndihmën e aeroplanëve, duke paralajmëruar bletarët të marrin masat e nevojshme për mbrojtjen e bletëve, transmeton Portalb.mk.
Procesi i dezinsektimit kundër mushkonjave është proces që duhet të zhvillohet rregullisht në gjithë qytetet, sidomos në periudhën para dhe gjatë rritjes së temperaturave.
“Qyteti i Shkupit i informon qytetarët se dezinsektimi me aeroplan në territorin e Qytetit të Shkupit kundër larvave të mushkonjave do të realizohet më datë 04.05.2020”, njoftojnë nga Qyteti i Shkupit.
Qyteti i Shkupit paralajmëroi se dezinsektimi mund të anulohet, në rast se kushtet atmosferike nuk lejojnë realizmin e procesit.