Presidenti i vendit Hashim Thaçi ka deponuar kallëzim penal ndaj Kryetarit të Komunës së Mitrovicës së jugut, Agim Bahtiri.
Ky kallëzim penal i Thaçit ndaj Bahtirit, erdhi vetëm pak ditë pasi i pari i Mitrovicës së jugut dha deklarata për vëllavrasje, njofton Klan Kosova.
Siç shkruan në dokumentin e siguruar nga Klan Kosova, Presidenti Thaçi në kallëzimin penal ka theksuar që deklarata e Kryetarit të Mitrovicës Agim Bahtiri, ka shkaktuar kanosje të dhunës me tentim që:
-të ndryshojë rendin kushtetues të Republikës së Kosovës
– të përmbysë institucionet më të larta shtetërore në Republikën e Kosovës
– të pengojë Presidentin e Republikës së Kosovës në ushtrimin e detyrave zyrtare të tij
– të detyrojë Presidentin në moskryerjen e veprimeve nga fushëveprimi i detyrave të tij, njofton Klan Kosova.