Gjermania do t’i mobilizojë rezervistët ushtarakë për luftë kundër përhapjes së koronavirusit, deklaroi sot ministrja e Mbrojtjes, Anegret Kramp-Karenbauer, njofton MIA.
“Rreth 2.300 rezervistë ushtarakë dhe 900 ‘rezervistë sanitarë’ tashmë i janë përgjigjur thirrjes së parë të dërguar javën e kaluar”, deklaroi Kramp-Karenbauer, duke shtuar se do të dërgohen më shumë thirrje.
Gjermania ka rreth 75.000 rezervistë ushtarakë.
Në Gjermani, 10.999 persona janë infektuar me virusin e ri Kovid-19, ndërsa 20 kanë humbur jetën.
Kancelarja Angela Merkel dje deklaroi se pandemia e këtij virusi është sfida më e madhe për Gjermaninë pas Luftës së Dytë Botërore.