Partia opozitare VMRO-DPMNE ka reaguar në lidhje me angazhimin e Venko Filipçes si ministër i shëndetësisë, transmeton Portalb.mk.
“Venko Filipçe në pronësi të tokës milionëshe në Vodno, së bashku me pronarin e firmës që qarkullon tenderë milionësh në Ministrinë e shëndetësisë”, deklarojnë nga VMRO-DPMNE.
Ata theksojnë se Prokuroria publike dhe Antikorrupsioni vazhdojnë të heshtin për pronat e Filipçes në Vodno.
“Prioritet i Filipçes si ministër i shëndetësisë ishin parcelat në Vodno, jo ndërtimi i spitalit të ri dhe investimet në shëndetësi”, thuhet ndër të tjera në komunikatën e VMRO-DPMNE-së.