Njërën nga 35 makinat të cilat, ministri për punë të brendshme, Naqe Çulev ka kërkuar të kthehen në oborrin e MPB-së, e shfrytëzon Presidenti i shtetit, Stevo Pendarovski. Kjo informatë u konfirmuar për “A1on”, por thonë që nuk e dinë motivin për këtë kërkesë të nënshkruar nga Çulev.
“Jemi të informuar se ka një shkresë brenda MPB-së me të cilën kërkohet kthimi i një makine të cilën e shfrytëzon Presidenti. Nuk e dimë motivin për këtë shkresë, por e bëjmë me dije se siguria e presidentit është përgjegjësi e MPB-së, thonë nga kabineti i Pendarovskit për “A1on”.
Më parë ministri Çulev tha që makinat regjistrohen sipas institucionit ose kabinetit i cili i ka në shfrytëzim, por jo edhe sipas emrit dhe mbiemrit. Ai theksoi se siguria e presidentit dhe kryeministrit janë detyrë e tij, ndërsa nëse disa nga makinat duhet patjetër të mbeten për t’u për përdorur, duhet ta informojnë atë.
Ndryshe “A1on” dje publikoi që Çulev , me telegram, ka kërkuar nga shërbimet e MPB-së t’i marrin makinat që janë dhënë për t’u shfrytëzuar nga sigurimi i kryeministrit Oliver Spasovski dhe zëvendës-ministres së MPB-së, Sllavjanka Petrovska. Në telegramin të cilin Çulev e ka dërguar dje në ora 16 ka kërkuar që, deri në ora 20, në MPB të kthehen 35 automjete.