Gjatë konferencës së fundit për shtyp, përpara takimit që Reali do të zhvillojë me Bilbaon, Zinedine Zidane është pyetur dhe në lidhje me Pep Guardiolan, trajnerin e Manchester Cityt, kundërshtari i ardhshëm i “Los Blancos” në Champions League.
“Kemi luajtur shpesh kundër njëri-tjetrit si futbollistë dhe e respektoj shumë si trajner, sepse mendoj se ai është trajneri më i mirë në botë. Këtë e ka shfaqur gjatë gjithë karrierës së tij”, ka theksuar Zidane, transmeton Insajderi.
Më herët për këtë çështje kishte folur dhe Guardiola, i cili pati theksuar se si lojtar kishte ëndërruar të luante në një ekip bashkë me Zidanen.