Alma Lama, ka treguar se ka mospajtime me këtë parti, me ç’rast kritikon ashpër kreun e saj, Albin Kurtin. Ajo thotë se nuk e ka ndërmend të ndryshojë konceptet për të siguruar një bashkëjetesë politike.
Lama ka shfaqur haptazi mospajtime rreth koncepteve të “Vetëvendosjes” duke e lënë hapur mundësinë e largimit. Ajo kritikon ashpër partinë e saj duke thënë se ka devijuar rrugën sidomos me daljen haptazi pro shamive dhe mësimit mbi fe nëpër shkolla.
“Z.Kurti, i cili promovon idenë e bashkimit kombëtar hezitoi të thoshte një fjalë të vetme kundër atyre që përmes meje, si një shqiptare e lindur në Krujë, atakuan një pjesë të kombit tonë, e që është ajo që jeton në Shqipëri”, ka thënë Lama për Zërin.