Ish-Prokurorja Speciale Katica Janeva, e cila është në paraburgim, mori dje një takikardi të rëndë dhe administrata e burgut ka vlerësuar që ajo duhet të ekzaminohet sot kardiologjikisht, një shërbim jo i disponueshëm në burgun Shutka, transmeton Sdk.mk.
Sipas burimeve pranë Janevës, ajo tashmë kishte probleme me zemrën dhe kjo gjendje nuk është e rrallë për të. Fëmijët e saj kishin mbetur të gjenin një specialist dhe klinikë për ekzaminimin dhe terapinë e duhur që duhet ta marrë në Shutkë, dhe ata zgjodhën klinikën Zhan Mitrev.
Sot, prokurorja e krimit të organizuar Vilma Ruskovska e shkruan aktakuzën për pjesën e parë të “Reketit” kundër Orçe Kamçevit, ku Janeva është i dyshuari i tretë, dhe Bojan Jovanovski-Boki 13 dhe Zoran Mileski-Kiçec janë të dyshuarit e parë dhe të dytë.
Jozyrtarisht, Janeva i ka përmendur Ruskovskës se ajo dëshironte të pranojë fajin, por, siç tha Ruskovska mbrëmë, “propozimi për marrëveshje me njërin nga të dyshuarit është dëgjuar, por nuk është vendosur”.