Në mbledhjen e Komitetit për çështjet evropiane në parlamentin e Holandës, është kërkuar që në procesin e marrjes së datës për nisjen e negociatave me Bashkimin Evropian (BE), Shqipëria të ndahet nga Republika e Maqedonisë së Veriut (RMV) dhe të trajtohen ndaras, transmeton Portalb.mk.
Megjithatë, për këtë kërkesë nuk do të vendoset veto nga ana e Holandës.
Holanda nuk do të vendos veto as ndaj vendimit të shteteve anëtare të BE-së për nisjen e negociatave me të dyja shteteve qysh në tetor.
Përfundimi i debatit do të kalojë si qëndrim i përbashkët i partive parlamentare në Holandë.
Gjatë mbledhjes së Komitetit, Ministria e Punëve të Jashtme e Holandës i ka përsëritur qëndrimet se:
- Shtetet kandidate duhet t’i përmbushin kushtet e parashtruara para nisjes së procesit negociues,
- Holanda përshëndet të përparimin e shteteve kandidate, por vlerësimi duhet të bëhet në bazë të arritjeve,
- Përshëndet miratimin e Marrëveshjes së Prespës ndërmjet RMV-së dhe Greqisë, si shembull për zgjidhjen e çështjeve tjera rajonale,
- Që duhet të vazhdohen lëndët e Prokurorisë Speciale Publike dhe ka përshëndetur transferimin e tyre në Prokurorinë Themelore Publike,
- Kyçe është miratimi i Ligjit që do të garantojë Prokurori Publike për ndjekjen e krimit dhe korrupsionit të lartë të pavarur,
- Shqipëria duhet të bëjë përpjekje shtesë për luftë kundër korrupsionit dhe krimit të organizuar.
LEXO EDHE: