Avioni ukrainas i mallrave Antonov-12 sot bëri ulje emergjente pranë qytetit perëndimor Lviv, ku si pasojë kanë vdekur tre persona.
Sipas informacioneve paraprake, avioni u ul me fatalitete, tha ministria në një deklaratë.
“Si rezultat i përplasjes së avionit, tre persona humbën jetën, tre të tjerë u lënduan ndërsa fati i dy personave nuk dihet”, thuhet në deklaratë.
Më tej shtohet se avioni ishte i detyruar të bënte një ulje emergjente pasi ishte gati pa karburant.
