Avokati Vllatko Ilievski, burri i ish-ministres së Brendshme, Gordana Jankulloska e dënuar për rastin “Tanku”, sot në seancë të Këshillit Gjyqësor, ka kërkuar shkarkimin e gjykatëses, Dobrilla Kacarska për tri arsye, transmeton Portalb.mk.
- Realizim të njëanshëm të procedurës,
- Shkelje e qëllimshme e të drejtave për gjykim të drejtë dhe
- Shkelje e rëndë e Kodit Gjyqësor.
Ilievski ka deklaruar se, “kur Jankulloska ka qenë shtatzëne, Kacarska me deklarata të ashpra është kërcënuar se me forcë do ta sjellë në gjykim”.
Nga ana tjetër, Kacarska e cila në Këshillin Gjyqësor erdhi me dy avokatët, Vullnet Paçuku dhe Fani Mihajlovska, deklaroi se, ” nuk ka njollë gjatë karrierës së saj 33-vjeçare dhe as në jetën private”.
Kacarska ka deklaruar se, asnjë e drejtë e të akuzuarës nuk është shkurtuar.