Kina dërgoi sot dy satelitë të tjerë në kuadër të sistemit të saj satelitor të navigimit BeiDou (BDS), transmeton Anadolu Agency (AA).
Satelitët u nisën me sukses nga Qendra e Lançimit Satelitor Xichang në Provincën Sichuan në ora 05:10 të mëngjesit sipas kohës lokale (ora 21:10 sipas kohës së Evropës Qendrore), njoftoi agjencia e lajmeve Xinhua.
BDS është një sistem kinez i navigimit satelitor i cili përbëhet nga dy pjesë të veçanta satelitore të nisur përkatësisht në vitin 2000 dhe 2011.
Satelitët e lançuar përdorën raketën transportuese Long March-3B dhe hynë në orbitë. Ky është misioni i 312-të i serisë së raketave Long March.
Në total, BDS kineze ka dërguar 48 satelitë në hapësirë.
Akademia e Teknologjisë Hapësinore në Kinë dhe Akademia kineze e Teknologjisë së Automjeteve kanë zhvilluar bashkarisht satelitët BDS dhe raketën transportuese.
“Satelitët e rinj do të punojnë me satelitët e BDS-së që ndodhen tashmë në orbitë për të përmirësuar saktësinë e pozicionimit të sistemit”, thuhet në raport.
Pekini ka planifikuar të përfundojë rrjetin global BDS deri në vitin 2020.
Dy konstelacionet e veçanta satelitore BDS ofrojnë shërbime të mbulimit dhe navigimit për klientët në rajonin e Azisë dhe Paqësorit.