Të dëgjohet zëri i individit, vendimet të miratohen me kyçjen e drejtpërdrejt apo reprezentative të qytetarëve, të respektohet mendimi i tjetrit, të dëgjohet dhe pranohet kritika, ajo është demokraci, kështu kryeministri Zaev ka uruar ditën ndërkombëtare të demokracisë, transmeton KOHA.
“Demokracia gjatë ka vuajtur në Maqedoninë Veriore. Liria, mendimi, gazetaria, vendimmarrja e qytetarëve pa presion ishin të paimagjinueshme. Por luftuam së bashku, krijuam shumicë përmes së cilës demokracia mposhti autokracinë. Liri le të jetë e përjetshme, përmes saj do të promovojmë demokracinë “, ka shkruar Zaev.