Më shumë se 100,000 njerëz po mbajnë një ditë tjetër protestash pro-demokracisë në Hong Kong, mes paralajmërimeve gjithnjë e më të ashpra nga autoritetet e Pekinit.
Aktivistët dhe policia janë përleshur gjatë 10 javëve të fundit, por tubimet e kësaj fundjave deri më tani kanë qenë të qeta, transmeton Klan Kosova.
Protestat u nxitën nga një projektligj për ekstradim, i cili që nga atëherë është pezulluar nga qeveria e Hong Kongut.
Kina, e cila ka ngritur forca të sigurisë në Shenzhen, i ka krahasuar protestat me aktivitetin terrorist.
Organizatorëve të protestës, Fronti për të Drejtat Civile të Njeriut, iu mohua autorizimi për një marshim nëpër qytet, por policia ka lejuar protestat e së dielës në Victoria Park.
Një prej marshuesve, i quajtur si Wong, i tha Lam Cho Wai të BBC-së në vendin e ngjarjes se “ne kemi luftuar për më shumë se dy muaj, por qeveria jonë nuk ka asnjë përgjigje fare. Ne thjesht do të dalim përsëri dhe përsëri”.