Karim Benzema mund të rikthehet në Ligue 1. Nga shtypi spanjoll qarkullojnë zëra për një interesim të Paris Saint Germain për sulmuesin francez të Real Madrid.
Në fakt, klubi madrilen duket se ka hequr dorë nga sulmuesi i kombëtares franceze, pasi Jose Mourinho është i “fiksuar” pas kolumbianit të Atletico Madrid, Radamel Falcao. Tekniku portugez duket se është i gatshëm ta sakrifikojë Benzeman për ish-futbollistin e Portos, që po shkëlqen në La Liga.
24 vjeçari ka luajtur më parë në Francë me Olympique Lyon për 5 sezone, ndërsa kishte zbarkuar në Santiago Bernabeu në verën e vitit 2009. /portalb/