Ligji i ri për Prokurori Publike me të cilin Prokuroria Speciale Publike (PSP) do të shndërrohet në Prokurori Themelore Publike për ndjekjen e krimit dhe korrupsionit të lartë, do të dorëzohet sot në Kuvendin e Maqedonisë së Veriut, transmeton Portalb.mk.
Këtë e bënë të ditur nga Ministria e Drejtësisë.
“Qeveria të martën Ligjin do ta dërgojë në Kuvend. Presim që deputetë qëndrimet e tyre t’i shprehin në Kuvend, dhe nëse kanë vërejtje dhe të dorëzojnë amendamente. Ndërtimi i shumicës 2/3 do të jetë në Kuvend”, thanë nga Ministria e Drejtësisë.
Kritika nga opozita shqiptare dhe maqedonase
Propozim ligji për Prokurori Publike ka ngjallur reagime nga partitë politike opozitare.
VMRO-DPMN-ja ka deklaruar se Maqedonia e Veriut ka nevojë për prokurorë që do të sillnin drejtësinë, dhe jo shantazhues.
“Vendi ka nevojë për prokuror që më të vërtetë do të sillte drejtësinë në Maqedoni dhe jo një prokuror shantazhues dhe dorë e zgjatur e Zoran Zaevit dhe LSDM-së”, ka deklaruar zëdhënësi i VMRO DPMNE-së, Dimçe Arsovski.
Për Aleancën për Shqiptarët (ASH) në krye të PSP-së duhet të qëndrojë ekspert i Bashkimit Evropian (BE).
“Ne kërkojmë që në krye të Prokurorisë Speciale të caktohet një prokuror publik me grup ekspertësh nga një vend i Bashkimit Evropian. Në gjithashtu do të paraqesin në amendament që pamundëson zgjedhjen e cilit do ish zyrtar në organet e prokurorisë publike”, ka deklaruar lideri i ASH-së, Ziadin Sela
E ndërkaq Lëvizja BESA e ka kushtëzuar miratimin e Ligjit me fiksim të datës së zgjedhjeve parlamentare.
“Ne si parti opozitare, duke dashur që të dëshmojmë para opinionit publik, po zgjatim dorën e bashkëpunimit duke kërkuar nga shumica parlamentare fiksimin e datës për zgjedhjet e parakohshme parlamentare, ndërsa deri në mbajtjen e tyre të implementojmë marrëveshjen nga ndryshimet kushtetuese, të sjellim ligjin për prokurorinë publike dhe të dakordojmë që regjistrimi i popullsisë të jetë i karakterit statistikor ndërsa të drejtat politike të bashkësive etnike të rregullohen me regjistrin për menaxhim elektronik në kuadër të Ministrisë së Informatikës dhe Administratës Publike”, thonë nga Lëvizja BESA.
Propozim-ligji parasheh:
- PSP-ja të kalojë në PTHP për ndjekjen e krimit dhe korrupsionit,
- Do të marrë emrin Prokuroria për ndjekjen e krimit dhe korrupsionit të lartë,
- Do të ketë kompetenca në tërë territorin e Republikës së Maqedonisë së Veriut,
- Do të ketë garanci që në mënyrë të mëvetësishme të përgjigjet dhe vendos për lëndët e PSP-së,
- Do të udhëhiqet nga Villma Ruskovska,
- Prokurorët aktual të PSP-së do të vazhdojnë të punojnë në PTHP për ndjekjen e krimit dhe korrupsionit të lartë,
- Mandati i tyre është deri më 15 shtator, por do të kenë mundësi për rizgjedhje,
- Përbërjen e Prokurorisë së re do ta zgjedhë Këshilli i Prokurorëve,
- Të gjithë rastet e PSP-së ajo do t’i vazhdojë dhe procesuojë para gjykatave kompetente,
- Nga PSP-ja, në PTHP do të kalojë edhe Arkivi, mjetet dhe aparatura,
- Lartësia e mjeteve për funksionim të PTHP-së për ndjekjen e krimit dhe korrupsionit të lartë të caktohet me propozim-buxhet dhe plan financiar të shefit të kësaj Prokurorie, të cilat dorëzohen te prokurori publik dhe te Ministria e Financave për aprovim. Qeveria dhe Kuvendi nuk mund ta ndryshojnë planin financiar dhe buxhetin e kësaj prokurorie.
- Parashihet mbrojtje e personalitetit të prokurorëve të kësaj prokurorie dhe nuk mund të kryejnë funksion prokurorial në ndonjë institucion tjetër.
- Shefi i kësaj prokurorie do të mund të shkarkohet me 2/3 e votave të Këshillit të Prokurorëve.
- Ajo nuk mund të ndjekë krim pa aprovim nga prokurori publik dhe
- Ajo nuk ka të drejtë që ta urdhërojë ndonjë institucion tjetër të kryejë ndjekje të krimit për të cilin është përgjegjëse vetë ajo.
“Bombat” që janë në gjykata do të procesuohen, të tjera do të shkatërrohen.
“Në zgjidhjen ligjore qartë është sqaruar se çfarë me përgjimet ilegale, përveç atyre që tashmë janë në gjykatë. Të gjitha të tjera jashtë atyre, do të thotë se do t’i nënshtrohet shkatërrimit, atë e shkruan edhe Kodi Penal, dhe kjo do të vlejë edhe për këto përgjime, sepse aty ka edhe biseda private”, tha Zaevi.