Ai duket se e ndien më shumë nevojën për të kaluar më shumë kohë me të shoqen apo partneren e tij, si domosdoshmëri për të qenë pranë saj.
Sipas përgjigjeve të dala nga një sondazh rezulton se mashkulli do e kalonte me dëshirë pjesën më të madhe të kohës së tij të lirë me gruan nëse do mundej, në kundërshtim me femrat ku vetëm 20% e tyre e ka një dëshirë të tillë.
Ky sondazh u zhvillua nga sajti eHarmony.com, ku u pyetën meshkuj dhe femra se me kë donin ta kalonin kohën e tyre të lirë.
Rezultatet e këtij pyetësori, siç informon noa.al duket se konfirmon edhe një herë faktin se femrat dhe meshkujt i shkojnë gjërat në mënyrë të ndryshme, si martesën, lidhjen, seksin por edhe kohën e lirë.
Studimi tregoi se meshkujt shikojnë në martesë shoqëri të sigurt, ndërsa femrat besim dhe siguri.
Në sondazh u përfshinë 1000 çifte të martuar, nga ku rezultoi se meshkujt kërkojnë nga partneret e tyre më shumë kohë, ndërsa femrat pas martese duket se nuk i duan dhe aq shpesh meshkujt nëpër këmbë.
Në përfundimet e studimit, u theksua se pas martese burri dëshiron të rri me partneren “afër afër, ndërsa gruaja larg, ndaj theksohet se gruaja duhet të përkushtohet më shumë./Portalb