Prindërit e fëmijëve të arrestuar pas trazirave në Gjorçe Petrov janë grumbulluar para stacionit policor në Shkup.
Një pjesë e tyre thuajse 14 orë presin para policisë dhe thonë se askush nga policia nuk dalë që të u thotë se çfarë u ndodh.
“Djali im është hendbollist ishte duke u kthyer nga ushtrimet, as që ka marrë pjesë në protesta dhe as që kishte lidhje me ato. Djali është arrestuar pa kurrfarë arsye deri sa kthehej në shtëpi. Shumë jam e revoltuar, në shtetin e vetë njeriu nuk mund të lëviz I lirë”, tha njëri nga prindërit.
Në stacionin policor në lagjen “Prolet”, ka 14 të arrestuar, ndërsa 15 të tjerë janë nëpër stacionet tjera policore në Shkup. Arrestimi i të dyshuarve është bërë mbrëmë në orën 20.