Presidenti i Serbisë Aleksandar Vuçiq, në forumin ndërkombëtar GLOBEC që po mbahet në Bratislavë ka thënë se është i gatshëm për çfarëdolloj negociate, vetëm fillimisht të hiqet taksa 100 për qind ndaj produkteve serbe, transmeton Koha.net.
Duke folur për dialogun Kosovë-Serbi, Vuçiq thotë se është i interesuar ‘për ato milionat që i takojnë popullit serb’.
“Jam i interesuar për ato miliona që u takojnë popullit serb, prandaj jam i etur për ta fituar atë shumë që populli ynë i meriton, kaq. Vetëm hiqni dorë nga tarifat dhe ne do të vazhdojmë me çfarëdolloj negociate që dëshironi”, tha Vuçiq.