Të paktën një person ka humbur jetën si pasojë e tri sulmeve të ndara dhe të njëpasnjëshme me bombë në kryeqytetin e Afganistanit, Kabul, raporton Anadolu Agency (AA).
Nasrat Rahimi, zëdhënës i Ministrisë së Brendshme, tha para gazetarëve se sulmi i parë ka pasur në shënjestër një furgon që po transportonte studentë ndërsa dy sulmet e tjera kanë ndodhur në afërsi të sulmit të parë.
Rahimi tha se sipas të dhënave të para, aktualisht një person është konfirmuar i vdekur ndërsa 17 të tjerë janë plagosur.
Ai njoftoi se në mesin e të plagosurve është edhe një gazetar.
Asnjë organizatë ende nuk e ka marrë përsipër sulmin.