Dy politikanë serbë janë përplasur sot ashpër jashtë korridorëve të Kuvendit të Serbisë, rreth Kosovës. Mësohet se ka qenë anëtari i SNS-së, Dragan Shormoza, ai i cili ka vendosur të nisë sulmet verbaqe ndaj liderit opozitar të ‘Dverit’, Bosko Obradoviç, duke e cilësuar një agjent tradhëtar, transmeton Balkanweb.
Ngjarja në fjalë mësohet të ketë ndodhur kur Obradoviç ishte duke u përgatitur që të fliste para mediave brenda Kuvendit të Serbisë, kur Shormaza e ka pyetur ‘Se kur ke qenë në Kosovë? Në këtë përplasje është përfshirë edhe një zyrtar tjetër i SNS-së, Vladimir Gjukanoviç, i cili i ka dalë në krahë bashkë partiakut të tij.