Presidenti Stevo Pendarovski dhe kryeministri Zoran Zaev sot e kishin takimin e parë në vilën presidenciale në Vodno, që pas marrjes së funksionit të Pendarovskit, si president i pestë i shtetit më 12 maj, përcjell Portalb.mk.
Zaev nuk ishte I pranishëm në inaugurimin e Penarovskit për shkak se ishte në pushim dhe takimin e parë zyrtar e realizoi gjatë ditës së sotme.
Në njoftimin e kabinetit të presidentit thuhet se Pendarovski e Zaev kanë biseduar edhe për nevojën e paraqitjes së tyre të përbashkët në plan ndërkombëtar dhe intensifikimin e procesit të reformave për realizimin perspektivës evropiane të vendit dhe përmirësimin e standardit të qytetarit.
Pendarovski nga ana tjetër ka filluar të kompletojë kabinetin e tij. Zëdhënësi i Qeverisë Mile Boshnjakovski nga java e ardhshme do të transferohet në Vodno ku do të ushtrojë postin e sekretarit të përgjithshëm në Presidencë.
LEXO: Zëdhënësi i Qeverisë Boshnjakovski, do të emërohet sekretar i përgjithshëm i presidentit Pendarovski