Qeveria në seancën e 130 sot ka marrë vendim të përfshihet në mbështetjen për restaurimin e katedrales Notre Dame, përcjell Portalb.mk.
“Qeveria e ka autorizuar Ministrinë e punëve të jashtme të vendit tonë për të kontaktuar MPJ të Republikës së Francës për koordinim lidhur me ndihmën nga bashkësia ndërkombëtare për të ndihmuar në restaurimin e kishës së djegur Notre Dame, në mënyrë që të përcaktohet mbështetja më e përshtatshme nga Republika e Maqedonisë së Veriut në shenjë solidaritet për restaurimin e këtij monumenti grandioz me rëndësi civilizuese”, kanë informuar nga Qeveria.