Më shumë se 30 refugjatë të Arakanit u shpëtuan në Malajzi, raporton Anadolu Agency (AA).
Trafikantët me qenie njerëzore hodhën 34 persona, refugjatë të Arakanit në det në Malajzi. Në mesin e tyre ndodheshin 9 fëmijë. Ata duke notuar arritën deri në breg.
Mbrojtja Civile e Malajzisë njofton se një banor vendas i Kangarit, në veri të vendit, në orët e mëngjesit ka vërejtur një grup të refugjatëve të Arakanit.
Ata ishin të uritur dhe të etur pasiqë dy ditë nuk patën ushqim dhe ujë. Pritet që të akomodohen në njërin nga kampet e refugjatëve në Malajzi.