Premtuan lista me njerëz me duar të pastra, kurse në fund, partitë politike dorëzuan listat me kandidatët për deputetë, sërish me figurat e kërkuara nga drejtësia apo edhe persona nën ndjekje të organeve penale.
Në një shqyrtim të thjeshtë të listave të partive politike, dalin personalitetet që kanë probleme me drejtësinë.
Partia Demokratike e Kosovës, ka disa kandidatë që janë nën hetime për krime të luftës. ka një kandidat që ka aktakuzë dhe një tjetër të dënuar.
Lidhja Demokratike e Kosovës, ka një kandidat që zyrtarisht është nën hetime.
Aleanca për Ardhmërinë e Kosovës ka kandiduar dy ish të dënuar.
Në të tre partitë, por edhe në Lëvizjen Vetëvendosje, mendohet se ka kandidatë të tjerë që janë nën hetime, qoftë për krime lufte qoftë për brumime të natyrave të tjera, por hetimet nuk janë zyrtare. /Tribuna