Nja aksident që ka ndodhur në fshatin Peran të Podujevës, ka lënë të lënduar shtatë persona.
Dy vetura janë përfshirë në këtë aksident. Lajmin e ka konfirmuar për Koha.net, zëdhënësja për rajonin e Prishtinës në Policinë e Kosovës, Flora Ahmeti.
Ajo ka treguar se aksidenti ka ndodhur rreth orës 17:00.
“Në aksident kanë qenë të përfshira dy automjete, ku si pasojë e aksidentit lëndime trupore kanë pësuar shtatë persona. Të njëjtit janë dërguar për tretman mjekësor”, ka thënë ajo.
Me rastin po merret njësiti i trafikut.