Presidenti i Republikës së Maqedonisë, Gjorge Ivanov dje pasdite në Stambull është takuar me presidentin e Republikës së Turqisë, Rexhep Taip Erdogan, njofton Portalb.mk.
Në takim, të dy kryetarët shprehën kënaqësi për nivelin e lartë të marrëdhënieve të përgjithshme politike dhe bashkëpunimit bilateral mes dy vendeve.
“Në bisedë Ivanov dhe Erdogan kanë këmbyer mendime për ndodhitë politike në dy vendet, gjegjësisht për zgjedhjet presidenciale në Maqedoni dhe Zgjedhjet lokale në Turqi. Presidenti Ivnaov i ka shprehur ngushëllime Erdoganit në lidhje me fatkeqësinë në Stamboll ku gjatë rrënimit të një ndërtese kanë humbur jetën disa persona”, thuhet në kumtesën e Presidencës së Maqedonisë.
Në takim të dy presidentët kanë këmbyer mendime edhe për ndodhitë aktuale dhe sfidat me të cilat përballet rajoni dhe Evropa.