Ditë më parë, dolën informacionet se për shkak të epidemisë së fruthit mund të vazhdohet pushimi dimëror në institucionet e arsimit fillor dhe të mesëm në Maqedoni, por Komisioni për Sëmundje Ngjitëse (KSN) pas mbledhjes së sotme ka rekomanduar që të mos vazhdohet pushimi dimëror, njofton Portalb.mk.
Kryetari i KSN-së, Mile Bosilevski , siç njofton portali “SDK”, ka njoftuar se edhe raporti është gati, por se i njëjti ende nuk është dorëzuar te Ministria e Shëndetësisë (MSH).
“Raporti është gati, ende nuk është dorëzuar në Ministri, pasi që nuk është nënshkruar. Vlerësuam se nuk ka nevojë për vazhdim të pushimi dimëror. Sërish, ai është rekomandim i yni. Se si do të vendosin ministritë dhe institucionet tjera kompetente, është punë e tyre, sepse ne jemi vetëm trup këshillëdhënës”, tha Bosilovski.
Nga ana tjetër, nga Klinika për Sëmundje Infektive kanë njoftuar se 30 pacientë janë hospitalizuar me sëmundjen e fruthit.