Kryeministri, Zoran Zaev mbrëmë në debatin televiziv në “24 Vesti”, në lidhje me ekonominë tha se pret që viti 2019 të jetë viti ekonomik për Maqedoninë, njofton Portalb.mk.
Vlerësimet e tij janë se Bruto Prodhimi Vendor (BVP) do të rritet në dy tremujorët e fundit dhe pret se do të vazhdojë të rritet deri në të paralajmëruarën prej 5%, deri në fund të mandatit. Optimizmin e arsyetoi me hapjen e integrimeve dhe bashkëpunimin rajonal.
Zaev e ka theksuar rritjen e këmbimit tregtar me Greqinë për 17% pas Marrëveshjes së Prespës. Ai tha se 2.5 herë është rritur intensiteti i kthimit të TVSH-së, ndërkaq po zbatohet politikë e drejtë ndëshkuese, pa shantazhe dhe trysni si më herët.
Ai paralajmëroi kthim të TVSH-së deri më 15% për qytetarët, nga 1 janari i vitit 2019, por edhe kushte për zvogëlimin e kamatave te bankat.