Falë aeroplanëve të dërguar nga Drejtoria për mbrojtje dhe shpëtim, është vënë nën kontroll zjarri në afërsi të fshatrave Dollno Dupeni dhe Lubojnë në Prespë.
Zjarrfikësit e Resnjës së bashku me kolegët e tyre të Manastirit, Prilepit dhe Ohrit kanë luftuar me zjarrin gjatë tërë ditës së djeshme. Në ndihmë u kanë dalë edhe banorët e Dolno Dupenit, si dhe banorët e fshatrave tjera përreth.
Sipas informatave të fundit të banorëve të këtij fshati, në shuarjen e zjarrit kanë marrë pjesë edhe zjarrfikës nga Greqia. Ata mbrëmë në panik kanë lëshuar shtëpitë e tyre, por pas tejkalimit të rrezikut, mbrëmë, gjatë orëve të vona të natës ata janë kthyer në shtëpitë e tyre./Portalb