Partia opozitare, VMRO-DPMNE sot prej orës 17:00 përsëri do të protestojë kundër ashtu siç thonë, të zezat e LSDM-së, njofton Portalb.mk.
“Protestoj pasi që: Jemi kundër të zezave ekonomike, kundër varfërisë, kundër tatimeve më të mëdha dhe mungesën e parave që i rëndon çdo qytetar, kundër ekonomisë e cila stagnon dhe humb. Jemi kundër të zezave politike, kundër padrejtësisë dhe pasigurisë, kundër persekutimit, kundër të zezave shoqërore, kundër rrezikimit të shëndetit dhe jo-funksionalitetit të sistemit shëndetësor dhe vrasësit të heshtur – ndotjes e cila në vend që të zvogëlohet, po shtohet”, thonë nga VMRO-DPMNE.
Ndryshe, VMRO-DPMNE ka dalë në protestë edhe të mërkurën e kaluar.
Kryetari i partisë, Hristijan Mickoski, gjatë protestës tha se qëllimi i tyre është ta largojnë kryeministrin Zoran Zaev nga pushteti dhe këtë do ta bëjnë përmes protestave që do të mbahen çdo të mërkurë në të njëjtin vend.