Së paku 16 persona kanë humbur jetën në përmbytjet që gjatë dy ditëve të fundit përfshinë rajonin lindor të Irakut, raporton Anadolu Agency (AA).
Zëdhënësi i Ministrisë irakiane të Shëndetësisë, Seyf al-Bedr, njoftoi se ekipet e shpëtimit gjetën kufomat e gjashtë personave të vdekur në provincën Wasit.
Ai po ashtu tha se pesë persona dje e humbën jetën gjatë përmbytjeve në provincën Salahaddin, dy në provincën Dhi Qar dhe nga një person në Basra, Maysan dhe Wasit.
Meteorologët paralajmërojnë se moti i stuhishëm dhe reshjet e dendura të shiut në lindje të Irakut do të vazhdojnë edhe sot.
Kryeministri irakian, Adil Abdulmehdi, porositi se kabineti i tij me vëmendje është duke ndjekur situatën dhe se shërbimet kompetente në terren do të ndihmojnë banorët e rrezikuar të qyteteve të përmbytura.