Kina raportoi ritmin më të ngadalshëm të rritjes tremujore ekonomike që nga kriza globale financiare, shkruan REL.
Shifra e rritjes për tremujorin korrik-shtator është 6.5% – më e ulëta qysh në vitin 2009, bëri të ditur Byroja Kombëtare e Statistikave.
Shifra është po ashtu nën 6.7% sa ka qenë në tremujorin paraprak.
Kina po përballet me sfida të mëdha ekonomike, përfshirë nivelet e larta të borxhit dhe luftën tregtare me Shtetet e Bashkuara.
Mosmarrëveshjet tregtare me SHBA-në, që kanë të bëjnë me tarifat në importe, pritet të ndikojnë në shifrat e rritjes ekonomike në Kinë edhe në muajt e ardhshëm.