Ish kryeministri i Maqedonisë, Lubço Georgievski rastin e ri të PSP-së “Banka e Postës” e sheh si përpjekje të PSP-së për ta njollos emrin e tij, transmeton Portalb.mk.
“Bëhet fjalë për procedura të qarta të biznesmenëve privatë, ku interesi dhe fitimi janë për kompanitë e tyre. Nga të gjithë personat e akuzuar, në jetë asnjë birrë nuk e kam pirë me ta. Më vjen keq që përkundër faktit që nga PSP-ja vetë e konfirmuan se Tomica Gllavçev ndryshoi tri herë deklaratën e tij, sërish kanë vendosur ta njollos emrin tim”, ka shkruar në rrjetin social “Facebook”, Georgievski.