Aleksis Cipras ka bërë lëshim kombëtar me gjuhën dhe nacionalitetin maqedonas, ashtu siç asnjë pushtet paraprak nuk ishte e përgatitur ta bëjë, kështu konsideron lideri i partisë opozitare greke, Kirjakos Micotakis, transmeton Portalb.mk.
Gjatë vizitës së tij në qytetet Elir, Arta dhe Preveza, lideri i partisë më të madhe opozitare mbajti konferencë për media dhe e akuzoi kryeministrin grek se nuk i ka dëgjuar qëndrimet e popullit.
“Nëse do të kishte biseduar me popullin grek, do t’i dëgjonte shqetësimet e tyre dhe nuk do të vazhdonte me nënshkrimin e marrëveshjes së Prespës. Do ta kuptonte se lejimi i gjuhës dhe nacionalitetit maqedonas paraqet koncesion shumë të rëndësishëm kombëtar. Lëshim që nuk ishte e përgatitur të bëjë asnjë qeveri paraprake. E ka bërë Aleksis Cipras”, tha lideri i partisë opozitare greke duke u përgjigjur në pyetjen gazetareske.
Ai edhe njëherë ka përsëritur se partia e tij nuk do ta ratifikojë marrëveshjen e Prespës.