Më 4 dhe 5 tetor, në Shkup do të mbahet takimi i dytë i përbashkët i komisionit prej ekspertësh për çështje historike dhe arsimore, e formuar në bazë të Marrëveshjes për fqinjësi të mirë dhe bashkëpunim ndërmjet Republikës së Maqedonisë dhe Republikës së Bullgarisë, njofton Portalb.mk.
Siç njoftojnë nga Ministria e Punëve të Jashtme, në takim pritet që anëtarët e Komisionit, në pajtueshmëri me metodologjinë e dakorduar dhe principeve të punës, të shkëmbejnë mendime që lidhen me përmbajtjet arsimore në të dyja shtetet, si dhe mundësitë për shënimin e ngjarjeve historike dhe kujtimin e personaliteteve bashkërisht.