“I thërras qytetarët, që më 30 shtator, të dalin në mënyrë masive, që të votojnë “për” në referendumin, që të hapet rruga për integrim”, kështu deklaroi kryetari i Kuvendit të Kosovës, Kadri Veseli, në konferencën e përbashkët me kryetarin e Kuvendit të Maqedonisë, Talat Xhaferi që u mbajt sot në Shkup, transmeton Portalb.mk.
Arsyeja e mbështetjes së referendumit të 30-shtatorit, sipas Veselit bëhet me qëllim që Maqedonia të përparojë në rrugën e integrimit euroatlantik.
“Shteti ynë e respekton sovranitetin dhe integritetin territorial të Republikës së Maqedonisë dhe vullnetin e qytetarëve të Maqedonisë për marrëveshjen e emrit, dhe cilido që të jetë vendimi, ne do ta respektojmë. Me qëllim që shtetet të përparojë në rrugën e integrimit në BE, është edhe arsyeja se pse ne i japim mbështetje referendumit”, tha Veseli.
Sipas Veselit, marrëveshja me Prespën dhe realizimi i referendumit janë model që duhet të ndiqen në finalizimin e dialogut Kosovë – Serbi.
“Kjo do të paraqet edhe një model që ne duhet ta realizojmë për ta finalizuar dialogun Kosovë – Serbi. Po flasim për një model të ri të zgjidhjes së konflikteve, që është marrëveshjet”, tha Veseli.
Ai gjithashtu njoftoi se pas referendumit do të nis edhe faza finale e arritjes së marrëveshjes mes Kosovës dhe Serbisë.
http://portalb.mk/558845-maqedoni-realizohet-takimi-xhaferi-veseli-video/