Ministri rus i Punëve të Jashtme Sergej Lavrov sot në Banja Llukë mohoi se Rusia po përzihet në rezultatin e referendumit për emrin në Maqedoni, lajmëron agjencia e lajmeve FENA.
“Rusia me asgjë nuk ka tentuar që të ndikojë në rezultatin e referendumit për emrin në Maqedoni, përderisa shohim se si një numër i madh i funksionarëve evropianë dhe amerikan bëjnë tifo për rezultatin e referendumit”, tha Lavrov.
Në takimet me presidentin e Republika Serpska, Millorad Dodik dhe me ministrin e Punëve të Jashtme të Serbisë, Ivica Daçiq, Lavrov tha se Rusia është kundër imponimit të “zgjedhjes artificiale” para shteteve ballkanike, të cilat detyrohen të prononcohen se a janë “me Perëndimin ose me rusët”.