Deri në 6600 persona është kapaciteti i anijes AIDANova, ku mundësitë për të shijuar në maksimum udhëtimet në të janë të pafundme.
Anija kolosale, e pesta më e madhe në botë, ka një gjatësi prej 337 metra dhe krenohet me 20 kuverta, 17 restorante, 23 bare, kazino, muret e ngjitjes së shkëmbinjve, parkun e ujit, gjelbërimin në një fushë mini-golfi, një palestër dhe spa, transmeton TCH.
Projekti i ndërtuar kushtoi 700 milionë euro dhe investimi kishte për qëllim ndërtimin e një anije miqësore me mjedisin, motori i së cilës do të funksionojë me gaz natyror, e jo me naftë.
