Komisari evropian për zgjerim dhe politikë të mirë fqinjësore, Johanes Han në takimin e sotëm me kryeministren serbe bisedoi për hapat e ardhshëm në inkuadrimin e Serbisë drejt BE-së, për dialogun Beograd – Prishtinë dhe për tema të tjera.
Han në Tuiter shkroi se ka pasur takim “mjaft të mirë” me kryeministren serbe Bërnabiq.
Ai shtoi se kanë biseduar për “hapat e ardhshëm në negociatat inkuadruese të Serbisë, dialogun Serbi – Kosovë, sundimin e së drejtës, revizionin e Kushtetutës në sferën e jurispprudencës”.
“E përshëndes formimin e Grupit të përbashkët të punës për strategji mediale”, shkroi Han në Tuiter.
Ai mbrëmë udhëtoi drejt Beogradit dhe u takua me presidentin e Serbisë, Aleksandar Vuçiq.
Vuçiq dhe Han sot do të marrin pjesë në hapjen e urës në Beograd, në ndërtimin e së cilës BE-ja investoi 30 milionë euro