Dua Lipa dhe babai i saj Dukagjin Lipa kanë organizuar festivalin e përvitshëm bamirës në Prishtinë “Sunny Hill”. Dhe ashtu siç premtuan, ata dhanë 100 mijë euro për bamirësi. Këto para do të shkojnë për evente kulturore dhe për shkolla muzike në Kosovë. Dua ka ndarë një postim në Instagram, ku tregon mirënjohjen për përkrahësit e këtij eventi.
“Faleminderit të gjithëve për përkrahjen e “Sunny Hill Foundation” dhe “Sunny Hill Festival”. “Sunny Hill Foundation” ka shpërndarë 100,000 euro për bamirësi, evente kulturore dhe shkolla të Muzikës në Kosovë. Ju falënderojmë përzemërsisht për ndihmën e juaj dhe urojmë një jetë të gjatë së bashku për përparimin e artit, kulturës dhe rinisë së Kosovës,” -ka shkruar Dua në Instagram.