Deb Thompson, 53 vjeçare, shkoi në një dyqan të firmës “Goodwill” për të blerë xhinse sipas porosisë së vajzës së saj me çmim prej 3.99 dollarë amerikanë, kurse pasi i sjelli në shtëpi, në xhepin e djathtë të tyre gjeti një unazë me diamant, që vlen rreth 6 500 dollarë.
“E nxora unazën dhe u ula bashkë me vajzën time dhe të fejuarin e saj, e hapa shuplakën e dorës ku e mbaja unazën dhe iu tregova. Që të tre njëkohësisht brohoritëm Uau. Atëherë më shkoi mendja se me siguri ndonjë i fejuar apo burrë e ka humbur këtë unazë dhe tash nuk mendon më të blejë tjetër për të dashurën”, tha Deb për ABC News.
Deb dhe punëtorët e dyqanit “Goodwill” tashti po tentojnë të gjejnë pronarin e unazës. Në Facebook kanë krijuar faqen “Gjërat e humbura dhe të gjetura”, dhe deri tash kanë marrë shtatë e-maila nga njerëz që pohojnë se ata janë pronarë të unazës.
“Dëshiroj që e tërë kjo të përfundojë në këtë mënyrë: që dikush të vijë e të thotë se e ka humbur unazën dhe pastaj ta dëshmojë pronësinë mbi unazën me faturën për blerjen e saj. Kjo ende nuk ka ndodhur, por do të shohim pas pak kohe”, tha ajo.