Të paktën 5 persona humbën jetën nga efektet e valës së të nxehtit që ka goditur Japoninë dhe 1.500 të tjerë u shtruan në spitale, transmeton Anadolu Agency (AA).
Agjencia e lajmeve Kyodo raporton se temperatura e ajrit në shumë qytete ka arritur në 38 gradë Celsius.
Zyra Meteorologjike e Japonisë njoftoi se temperaturat e larta ekstreme mund të zgjasin disa ditë.
Nga ana tjetër, 209 njerëz gjetën vdekjen në përmbytjet dhe rrëshqitjet e dheut të shkaktuara nga reshjet e dendura në të gjithë vendin.