Me finalen e madhe sot (e dielë) pritet të përfundojë Kampionati Botëror.
Në ceremoninë përmbyllëse do të performojë Era Istrefi, ajo që edhe ka realizuar himnin e këtij kampionati, përcjell Telegrafi.
Por, edhe Arilena Ara ka ateruar në Moskë ku do të mbajë një performancë.
“Shihemi pas pak orësh për një shfaqje të madhe”, ka shkruar këngëtarja në foton nga aeroplani të publikuar në rrjetin social instagram.
Arilena edhe më parë ka performuar në Rusi, në një prej festivaleve të mëdha.
Tash, ajo do të performojë në zonën e fansave të Kampionatit Botëror që përbën tjetër arritje për të.
Arilena shpërtheu drejt famës pas hit baladës, “Nëntori”.