Përpara Kuvendit të Maqedonisë, sot për të dytën ditë është protestuar për marrëveshjen mes Greqisë dhe Maqedonisë për ndryshimin e emrit, njofton Portalb.mk.
Protestuesit kërkojnë që të ndalohen të gjitha aktivitetet për ndryshim të emrit dhe Kushtetutës, që sipas tyre është i dëmshëm për shtetin. Disa prej tyre kanë kënduar këngë patriotike dhe i kanë dhënë mbështetje presidentit Gjorge Ivanov, i cili nuk e nënshkruan marrëveshjen.
Gjatë protestave të djeshme u arrestuan 10 persona, pasi që e kanë prishur rendin dhe qetësinë publike, gjegjësisht kanë sulmuar dhe forcat policore.
- LEXO: Institucionet përfundimisht duhet t’i sanksionojnë ofenduesit e shqiptarëve
- LEXO: Arritja e Marrëveshjes, me lëndë piroteknike u protestua në Shkup (VIDEO)
Gjithashtu, gjatë protestës së djeshme, protestuesit kanë bërë thirrje nacionaliste, gjegjësisht kanë ofenduar shqiptarët, edhe pse problemi i tyre është me Greqinë. Megjithatë, Policia dhe Prokuroria ende nuk kanë ndërmarrë asnjë aktivitet për të ngritur paraqitje penale për personat në fjalë.