Për shkak të protestave të paralajmëruara për nesër në Greqi, nga “Komiteti për luftim për karakterin grek të Maqedonisë”, në qytetet në veri të Greqisë, me fillim prej ora 19:30, Ministria e Punëve të Jashtme e Maqedonisë (MPJ), apelon deri te qytetarët e Maqedonisë që të përmbahen nga provokimet e mundshme dhe veprimet që do të cenonin sigurinë e tyre, njofton Portalb.mk.
“Për shkak të mundësisë së eskalimit të protestave, paralajmërohen qytetarët e Republikës së Maqedonisë, që të sigurojnë vendet e qëndrimit të tyre, si dhe të mbrohen nga çdo veprim që do të kishte pasoja për sigurinë e tyre”, thuhet në kumtesën e MPJ-së.