Trageti “Adriatika1”, në të cilin ndodhet dhe Presidenti i Republikës, Bamir Topi, pas rreth 18 orësh udhëtimi, ka mbërritur në Portin e Durrësit mbëmjen e sotme rreth orës 19:00.
Presidentit Topi i është ofruar ndihmë si nga autoritetet shqiptare ashtu edhe nga ato italiane por ai ka preferuar të qëndrojë në traget bashkë me udhëtarët e tjerë.
Trageti “Adriatika 1”, ka pësuar një avari rreth 20 milje larg portit të Durrësit. Ai duhej të mbërrinte në port rreth orës 07:00- 08:00 të mëngjesit të sotëm.
Hysni Ruçi, kapiteni i portit të Durrësit, deklaroi se trageti ka pësuar avari pasi janë bllokuar filtrat e naftës për shkak të cilësisë së dobët të kësaj të fundit.
Presidenti Bamir Topi po kthehej nga vizita e tij në Itali. /Portalb