Eco Guerilla, nëpërmjet një postimi në rrjetin social “facebook” i fton qytetarët e Tetovës që t’i bashkëngjiten protestës kundër hapjes së Kazinove që organizohet ditën e premte, nga Bashkësia Lokale e Reçicës së Vogël, transmeton Portalb.mk.
“Eco Guerilla mbështet revoltën dhe protestën e banorëve të Reçicës së Vogël kundër tentimit për hapje të një kazinoje në këtë vendbanim. Eco Guerilla poashtu konsideron që numri i madh i kazinove dhe bastoreve sportive në qytet përbën NDOTJE SERIOZE TË SHOQËRISË prandaj i fton gjithë qytetarët e Tetovës që të premten në ora 1400 të protestojnë në mënyrë të qetë dhe demokratike, për ti shprehur pakënaqësinë autoriteteve që lejojnë hapjen e këtyre objekteve si dhe për të kërkuar dislokimin e të gjitha kazinove dhe bastoreve sa më larg nga vendbanimet”, thuhet në thirrjen e tyre në facebook.
- LEXO: Tetova po shndërrohet vend i kumarit!
- LEXO: Maqedoni, biznesi i kazinove, lojtarët problematik
- LEXO: Mbi 50 kazino dhe dyfish më shumë bastore në Tetovë
